خلوت من



 


تـي سـلامʹ عليـک

      نخـأيـد گـيفتـن

        دانشگـــا آزاتـه !

 

هـۊيــأ کـي فيچـالستـن،

    اليفبــا اولـي کلمــه-يـه!

        عيلـم آمـؤجئــنˇ قيمت،

              پئـــرˇ خــۊنˇ قيمتـه!

 

                                             نفـسˈن گـــرم!

                                       ســرˈن گـــرم!

        عـارنـامــۊسـي خـــابˇ دۊرۊن ؤ

    أمـي گمـجˇ نــۊخــۊنــم

اۊســـاده-يـه!

 

کــؤتـــر.

   بـي کــؤتـــر

واشــک،

   واشــکˇ مــــرأيـه!

 

مـي مـــۊديـــر،

        مـي پيلــه-تـــر،

فــــرديــنˇ جـــأ فــــرديـــن-تـــر

                        بيــأ بينيـش مــي ور.

 

أمـي کـــلاس بــدجـــۊر تنگـــامــه.

. هـــــأى!

  تـي دۊم أويــــر ؤ

         تـي ســـر ساق ببــه!»

 

    مـي ســلامˈ تـــۊ عليـک بيـگيـــر ؤ

                    مـي دٚوٚستــه تاله درˈ واکـــۊن!

 

تـي ســلامˈ عليــک

                              نخـــأيــد گيفتــن»

 

هــــوا بـــۊک بـــۊکـــۊده،

   شکــمˈن سئـــر،

         ديــلˈن شيــــر،

              پئــرˈن پيـــر ؤ

                    ئـي جـــرگـــه هنــي

خــۊشــانˇ کشــکˇ فـــردأ قيمـتˇ مـــرأ درگيـــر!

 

أگــه ايتـــأ اؤخـــان بيشتــاوستــي

      کـــي فــارســه جــه دؤرˇ شـــــر

                    يقيــن بـــــــــاده!

                         دانشــــگا

              آزاتـــــــــه!


أيأ جأ بيشتاويد 




 


 

فاصله معني اۊني کي مردۊم فيکٚر کۊنده مرأ تؤفير دأره.

آقا ؤ خانمˇ ش»، هتؤ کي چۊکاچۊک تلويزؤنˇ هچينه فئلمانˈ فاندرستيد

يا اۊ وخته کي ميزˇ پؤشت، کس کسه راستˇ پيش غذا خۊرديدي

يا گاگلفه تختˇ سر، خۊشانˇ تختˇ سينهˈ کس کسأ دخشارديد ؤ خۊفتيد،

هر رۊز همديگرˇ جأ دۊرترأ بؤستيد.

* ا *

-

خئلي زمات بۊ کي خانمˇ ش» اؤخان، آقاىˇ ش» گۊشˇ دؤر ؤ ورأ دٚنٚوارستي.

أسأ، مۊشکيل، خانمˇ ش» صدا جأ بۊ يا آقاىˇ ش» گۊشانˇ جأ، هيچ مألۊم نۊبۊ.

*ا*

--

هرچی بۊ، آقاىˇ ش»، خانمˇ ش» گبانأ دئه نيشتاوستي.

خؤره ني أنقد بمانسته بۊ کي نتانستي ايتأ خؤرۊمˇ گب

خۊ ذهنˇ جأ فاکشه بيرۊن ؤ خانمˇ ش»يأ بگه.

خانمˇ ش»يم، هأى آقاىˇ ش» رختانأ وارسي کۊدي ؤ

ايتأ بۊلند ؤ زردˇ مۊ دۊمبالˈ گردستي! ولکي اۊن،

ايتأ دليل ببه آقاىˇ ش» نيشتاوستنه.

ولي همشک اۊنˇ يافتنˇ جأ مانستي. . .

*

*

ديشب، ايتأ أچي مأچي خاب بيدئم کي،

.

مي نام ايسه آقاىˇ ش». . .

 

 

جه أيأ بيشتاويد

 

 

سربس: avocado.blog.ir

 


ايتأ کۊجي دانه داستان

 

مي ديل خأيه وختي پيلهʹ بؤستم, ميراث فرهنگي رئيس ببم.

نأ اينکي مي ديل گۊل چيره ديلˇ أمرأ تۊشکه بۊخۊرده-يه, خۊدا شاهده نأ.

أنˇ وأستي کي أ ايداره خؤرۊم جيگايه.

کارˇ خاصي کي نۊکۊنيدي اۊ دۊرۊن,

بۊنگائي-يانˇ مانستن صؤب تا غۊرۊب اۊطاقˇ دۊرۊن نيشتئده دئه.

أمأ هر جگا شيدي تا خۊشانʹ معرفي کۊنيد, همه أشانه بپا ايسيدي.

بۊخۊصۊص بۊنگائي-يان ؤ بساز بۊفرۊشان.

بۊنگا بۊگؤدم, ديرۊ من ؤ مي پئر بۊشؤبيم بۊنگا خانه دۊمبالʹ.

أمي مهلت دئه کرأ بسر أمؤن دره, وا ويريزيم.

پيله-ترانˇ مامله کۊدنʹ گمه, بزين أمرأ گيدي . . .

مي پئر گه أما ايجاره نامه نأريم, أمأ أمي مهلت کرأ بسر أمؤن دره.

هر دفأيم أنʹ وأورسم, چار تا آبدارˇ فاش خانخايأ ديهه, بزين گه:

کؤ گيل خأيه شمرأ به تنʹ گيره؟!»

اۊ رۊزه کي أما بامؤبيم أ خانه دۊرۊن, خانخا گؤفتي:

تا شمه ره ايتأ خانه نيهه-ئيد تأنيد أيأ بينيشينيد.

ايجاره-يم نخأيم.

فقد بپائيد أ دؤرسفته خانه شيمي سر فۊنگۊرده.

بامؤئيم ثواب بۊکۊنيم کبابʹ نيبيم.

*

*

خانخا کي سال به دوازده ما, خانه جأ وأنورسه-ئي,

پريرۊ أمي کۊچه سرˇ بۊنگائي مرأ بامؤبۊ أمي خانه.

البت خۊ خانه بامؤبۊ, هۊ دؤرسفته خانه. گؤفتي:

أ خانهʹن خأيلي قيمتي-ئيد.

طلائيدي بره, طلا.

آ مامۊد, متر کۊني دئه ني-يه؟

عقب-نيشيني-يم دأره؟ٚ!

*

*

دۊ شبه ايچي مي فکرʹ مشغۊلʹ کۊده دأره؛

نأنم چي ره اۊ مردأى کي أشانˇ أمرأ بۊ قيافه,

مه ره گۊل چيره پئرˇ قيافه شباهتʹ دأئي!!!

 

أيأ جأ بيشتاويد

 


آخرین ارسال ها

آخرین جستجو ها

وبلاگ کنگره 60 نمایندگی شهر ری بانکداران بام ایران دانلود برای شما مطالب اینترنتی adnan100 این نیز بگذرد... یک فنجان خاطره darachatroom خدمات کامپیوتری وحید smileemoji